الرئيسية
ابتســـــمت
ابتسمت
بس ابتسمت
لقيت ملامحي اتشققت
وانكشفت
مش ده أنا
بحد غيري واترزقت
بشكل تاني مالوش ملامح
حد تاني بوش كالح
باينّه ده وشي الحقيقي
طب ليه أنا لبست القناع
ولاّ القناع اللي لبسني
وقلبي عاشق للألم
ولاّ الألم هو اللي وارثني
يا أسئلة من غير جواب
ما عملت ليها ف يوم حساب
ولا كنت أفكر إن مرة يدق باب
ألقى هناك الفرح مستني
وابتسم..
بس ابتسمت..
ياريت يا قلبي ما عشقت
أنا أصلي عارفك
مش وش حب
وعارف إنك
ما عشقت فيه ضحكت لقا
عشقت فيه بسمة ألم
هيبتسمها في يوم وداع
واهو ابتسمها
وإنت ابتسمت
بس ابتسمت
ماكانش ليك في الابتسام
شكلك يخض في فرحتك
وبسمتك
هي عنوان الآلام
فرحك بكا
ضحكك ده خلى الخوف بكى
والفرح منك اشتكى
ليه ابتسمت
وأما ابتسمت
لقيت ملامحي اتشققت
وانكشفت
ابتسمت
بس ابتسمت
لقيت ملامحي اتشققت
وانكشفت
مش ده أنا
بحد غيري واترزقت
بشكل تاني مالوش ملامح
حد تاني بوش كالح
باينّه ده وشي الحقيقي
طب ليه أنا لبست القناع
ولاّ القناع اللي لبسني
وقلبي عاشق للألم
ولاّ الألم هو اللي وارثني
يا أسئلة من غير جواب
ما عملت ليها ف يوم حساب
ولا كنت أفكر إن مرة يدق باب
ألقى هناك الفرح مستني
وابتسم..
بس ابتسمت..
ياريت يا قلبي ما عشقت
أنا أصلي عارفك
مش وش حب
وعارف إنك
ما عشقت فيه ضحكت لقا
عشقت فيه بسمة ألم
هيبتسمها في يوم وداع
واهو ابتسمها
وإنت ابتسمت
بس ابتسمت
ماكانش ليك في الابتسام
شكلك يخض في فرحتك
وبسمتك
هي عنوان الآلام
فرحك بكا
ضحكك ده خلى الخوف بكى
والفرح منك اشتكى
ليه ابتسمت
وأما ابتسمت
لقيت ملامحي اتشققت
وانكشفت
